Þegar Björn Bjarnason var rassskelltur af umboðsmanni alþingis

Björn Bjarnason fyrrverandi dómsmálaráherra ræðst að Jóhönnu Sigurðardóttir í pistli dagsins eins og vænta mátti af hans hálfu. Sagt er að þeir sem búa í glerhúsi ættu ekki að kasta grjóti.

Björn býsnast yfir svari Jóhönnu í Kastljósi í kvöld í viðtali vegna dóms sem hafði fallið henni í óhag. Jóhanna hafði rekið framsóknarmann sem hafði krafist launa í 4 ár!!! Áður óþekkt krafa í sambærilegum máli. Ekkert er eðlilegra að ráðherrar vilji vinna með sínu fólki. Það hafa allir stjórnmálaflokkar gert.

Helga Seljan sem Björn hafði harðlega gagnrýnt fyrir að hafa ekki tekið málið upp tók viðtal við Jóhönnu vegna málsins. Nú fékk Björn það sem hann vildi. En hræddur er ég um að flestir þeirra sem sáu og hlustuðu hafi tekið málstað Jóhönnu eðli málsins vegna.
Málið var tekið upp í fyrrverandi ríkisstjórn á sínum tíma, áður en framsóknarmanninum var sagt upp. Þögn er sama og samþykki og Björn lagði blessun sína við málið. Hann ætti því að teljast meðsekur. Björn Bjarnason vill samt að Jóhanna segi af sér.

En bíðum nú við. Björn Bjarnason ætti að líta sér nær. Hann braut stjórnsýslulög á grófan hátt þegar hann skipaði frænda Davíðs Oddsonar sem Hæstaréttardómara. Málið endað hjá umboðsmanni alþingis sem úrskurðaði að Björn Bjarnson hefði brotið stjórnsýslulög. Ekki minnist ég þess að Birni Bjarnasyni hafi dottið í hug að segja af sér ráðherradómi þrátt fyrir þessa rassskellingu umboðsmanns. Svo talar hann um ábyrgð ráðherra!!!!!! LÍTU ÞÉR NÆR MAÐUR!!

Björn Bjarnason hefur fyrir löngu misst allt traust hins venjulega manns. Pólitískar embættisveitingar hans hafa verið með þeim hætti. Þar má líka nefna annan vin Davíðs, Jón Steinar Gunnlaugsson sem að Björn skipaði sem Hæstaréttadómara. Skipan ríkislögreglustóra var ekki síður umdeilt og hvernig hann síðar réðst að Bónusfjölskyldunni eftir “plott” Styrmis Gunnarssonar þáverandi ritstjóra Morgunblaðsins og Jóns Steinars. Ekki nóg með það, Davíð Oddsson snaraði fram 10 milljónum af almanna fé til að fjármagna fyrsta skrefið í aðför að Bónusfjölskyldunni. Á meðan að þeirri aðför stóð sem tók mörg ár skrifaði Björn Bjarnason fjölda níðgreina um þá Bónusfeðga. Það er áreiðanlega einsdæmi að dómsmálaráðherra hagi sér með þessum hætti. Lýsir þetta ekki glögglega hatri hans á þeim feðgum. Ekkert var heilagt.

Björn Bjarnason hefur tamið sér neikvæðan áróður sem er farinn að virka öfugt. Fólk er löngu hætt að taka hann alvarlega. Maðurinn á greinilega við sálfræðilega erfiðleika að etja. Hann telur sig vera yfir alla hafin og vitnar jafnvel í sjálfan sig málum sínum til stuðning.

Ekki fór Geir Haarde heldur bónleið til búðar í árás sinni á Jóhönnu vegna bréfs alþjóðagjaldeyrissjóðsins í alþingi í dag. Hann sakaði hana um að hafa ekki skýrt rétt frá bréfi sjóðsins til ráðuneytisins. Það endaði með að Jóhanna fékk afléttum trúnaði vegna bréfsins. Þá kom í ljós að Geir hafði rangt fyrir sér. Alþjóðagjaldeyrissjóðurinn hafði beðið um trúnað vegna umsagnar um Seðlabankafrumvarpið. Geir Haarde er farin að sýna á sér nýjar hliðar. Þær eru ekki til að efla það litla traust sem eftir er.

Þegar kjósendur höfnuðu Birni Bjarnasyni

Jón Baldvin Hannibalsson og Ingibjörg Sólrún eru skotspænir Björns Bjarnasonar í pistli dagsins. Þar fá þau Ingibjörg og Jón hálf máttlaus púðurskot sem öll missa marks.

Oft hefur verð sagt að menn sem búa í glerhúsi skuli ekki kasta grjóti. Það á við um Björn Bjarnason. Það er áreiðanlega ömurlegt hlutskipti að velja sér það hlutverk að vera alltaf neikvæður. Menn geta nefnilega auðveldlega fests í því hlutverki. Mér sýnist sú vera raunin hjá Birni Bjarnasyni.

Það eru aumkunarverð og ömurleg örlög.

Ég vil minna Björn Bjarnason á úrslit síðustu Alþings og borgarstjórnarkosninga. Í kosningunum til alþingis var Birni hafnað í prófkjöri og litlu mátti muna að hann næði þingsæti vegna útstrikana. Í borgarstjórnarkosningunum hugðist Björn ná borginni af Ingibjörgu Sólrúnu. Hann hrakti tvo efnileg menn frá því fara í prófkjör geng honum. En þegar upp var staðið reyndist Björn Bjarnason “hvalreki” fyrir Ingibjörgu Sólrúnu, því Reykvíkingar höfnuðu honum - og Ingibjörg hélt borginni.

Björn Bjarnason hefur því verið rækilega niðurlægður í tveim síðustu kosningum.

Björn Bjarnason - Jón og séra Jón!!

Jóhanna Sigurðardóttir forsætisráðherra er skotskífa í pistli Björns Bjarnasonar fyrrverandi dómsmálaráðherra í dag. Það var líka ótrúlegt að “púkinn á fjósabitanum” sem ég kýs að kalla Björn Bjarnson vegna níðskrifa hans um samborgara sína færi að sofa með tóman maga í kvöld.

Nú kvartar Björn undan því að það sé ekki sama að vera Jón og séra Jón í fjölmiðlum. Ástæðan er dómur sem gekk gegn Jóhönnu vegna ólögmætrar uppsagnar þar sem sagt var að hún hefði brotið stjórnsýslulög.

Björn skammar fjölmiðla landsins fyrir að hafa ekki tekið málið fyrir og nefnir sérstaklega Helga Seljan í kastljósinu. Hann nefnir að Helgi hafi farið hamförum gegn Jónínu Bjartmarz eftir að hún hafði fengið allsherjarnefnd alþingis til að gefa út íslenskan ríkisborgararétt fyrir tengdadóttur sína. Þetta var á skjön við allt sem áður hafði tíðkast. Tengdadóttirin hafði þá búið á Íslandi í stuttan tíma. Fjöldi fólks hafði beðið í fjölda ára eftir ríkisborgararétti án þess að fá. Þessi gjörningur var algert einsdæmi og var gert mjög góð skil í kastljósinu á sínum tíma.

Það er rétt að minna á að Bjarni Benediktsson sem nú sækist eftir að verða næsti formaður Sjálfstæðisflokkinn var í forsvari fyrir allsherjarnefnd og fullyrti blákalt að þetta hefði allt verið eðlilegt. Þar laug Bjarni Benediktsson beint framan í alþjóð.

Jónína Bjartmarz höfðaði síðar mál gegn kastljósi en tapaði.

Björn Bjarnason heldur því líka fram að fjölmiðar séu ekki starfi sínu vaxnir og fari í manngreiningarálit. ÚFF hver er það sem fer í manngreiningarálit. Af framansögðu er rétt að minna á úrskurð umboðsmanns alþingis gegn Birni Bjarnasyni eftir að hann hafði skipað frænda Davíðs sem dómara í Hæstarétt. Ekki minnist ég þess að Björn Bjarnason hafði tekið þann úrskurð nærri sér. Þetta var niðurstaða umboðsmanns:

“Samkvæmt því sem rakið er hér að framan er það niðurstaða mín að málsmeðferð dómsmálaráðherra við undirbúning að skipun í embætti dómara við Hæstarétt Íslands í ágúst 2003 hafi ekki fullnægt kröfum 4. mgr. 4. gr. laga nr. 15/1998, um dómstóla, um að umsögn Hæstaréttar lægi fyrir um þá lögfræðilegu þekkingu sem ráðherra hafði ákveðið að leggja sérstaka áherslu á við val milli umsækjenda og þá hafi rannsókn málsins ekki verið í samræmi við 10. gr. stjórnsýslulaga nr. 37/1993. Vegna þessara annmarka var ekki af hálfu dómsmálaráðherra lagður fullnægjandi grundvöllur að skipun D í embætti hæstaréttardómara.”

Þarna braut Björn Bjarnason stjórnsýslulög. Var hann ekki að tala um Jón og séra Jón!!!! Að lokum er gaman að geta þess þegar Björn Bjarnason hringdi í GSM síma f.v. útvarpskonu sem honum var ekki að skapi. Umrædd útvarpskona sem ég kýs að nefna ekki á nafn skrifaði m.a. eftirfarandi á bloggsíðu sina: „Benti mér sömuleiðis á að ég skyldi vara mig á því að þetta væri ríkisfjölmiðill og því ekki sjálfsagt að vera með umfjöllun þar sem gagnrýndi stjórnvöld svona. Undir lá vissulega að hann hefði völd til að láta mig fara.”

Er þetta ekki líkt Birni Bjarnasyni. Hann veit allt getur allt og allir sem honum eru ekki að skapi eru níddir niður ef svo ber undir. Ekki nema von að hann hafði verið kallaður “skúrkur” ársins af góðum manni. Ég tek heilshugar undir þau orð.

Geir Haarde opinberaði sjálfan sig í "HARDtalk" á BBC

Nú er það deginum ljósara hvað feldi Geir Haarde sem forsætisráðherra. Hann opinberaði sjálfan sig í þættinum “HARDtalk” á BBC sem sýndur var í sónvarpinu á fimmtudagskvöldið.

Það var hálf aumkunarvert að sjá og heyra hvernig Geir “skautaði” í kringum flestar spurningar sem hann var beðin að svara. Hann talaði út í eitt. Allt öðrum að kenna, engin afsökunarbeiðni til þjóðarinnar. Hann talaði aldrei við forsætisráðherra Breta vegna hryðjuverkalaganna. Geir vildi ekki heldur svara því hvort Davíð Oddson hefði varað hann við falli bankanna.

Lengi vel hafði ég mikla trú á Geir Haarde. Hann var algjör andstæða fyrirrennara síns. Hann talaði ekki illa um andstæðinga sína og kom fram eins og heiðursmaður.

Eftir fall bankanna og því sem á eftir fylgdi fór önnur mynd af Geir Haarde að koma í ljós. Hann virtist eiga í miklum erfiðleikum með að valda hlutverki sínu. Hann hafði bara ekki það sem þarf til að stjórna við þær aðstæður sem við stöndum frammi fyrir núna. Það er ljót að segja það, en orðið “rola” hefur margoft komið upp í huga mínum þegar ég hugsa um forystuhlutverk Geirs Haarde síðustu mánuði.

Hann hefur haldið þjóðinni í algjörri óvissu. Ekki upplýsti hvers við mættum vænta. Ætlaði hann að halda í krónuna? Möguleikana á að taka upp nýja mynt - og hvaða kostir væru í stöðunni. Ég efast ekki um að Geir Haarde er góður maður. En hann hvorki réði við hlutverk sitt eða tók á þeim málum sem þurfti að taka á. Þess vegna er hann ekki lengur forsætisráherra.

Björn Bjarnason "dómari"

Fátt virðist Birni Bjarnasyni fyrrverandi dómsmálaráðherra óviðkomandi ef hann sér færi á að setjast í dómarasæti.
Þá er það gamla sagan að skrifa illa um fólk og dæma.
Í dag er það Silja Bára Ómarsdóttir sem kennir alþjóastjórnmál við Háskóla Íslands sem Björn Bjarnason sér ástæðu til að taka á beinið.
“Púkinn á fjósabitanum” verður náttúrlega að fá sitt.
Silja Bára skrifaði ritgerð um öryggismál Íslands sem Björn Bjarnson sér ástæðu til að dæma. Hann sest því í dómarasætið og gefur í umsögn sinni vísbendingar um yfirburða þekkingu á málinu.
Björn kemst að þeirri niðurstöðu að veruleg brotalöm sé á ritgerð Silju Báru.
Skilja má að það sé aðallega vegna þess að hún hafi ekki sömu sýn og árherslur og Björn.
Hvað lágt geta menn lagst. Ekkert er heilagt , virðingarleysi við samborgarana algert og engum eirt. Vei þér Björn Bjarnason. Góður maður kallaði þig ekki “skúrk” ársins að ósekju.

Davíð á "óreiðumannalista" Time

Tímaritið Time birti í dag lista yfir þá 25 menn sem það telur að beri ábyrgð á heimskreppunni. Davíð Oddson er á þessum lista. Á vefútgáfu sinni ritar Time:

“Over the two decades in which David Oddsson held public office, first as Iceland's Prime Minister and then as the governor of the central bank, he ushered in a new era of free market economics, privatizing Iceland's three main banks, floating its currency and ushering in a golden age of entrepreneurship. Whoops. Iceland's economy instead is a textbook case of macroeconomic meltdown. The three banks, which were massively leveraged, are in receivership, GDP could drop by 10% this year, and the IMF has stepped in after the currency has lost more than half of its value. Nice experiment.

Svo mörg voru þau orð! Þekktir hagfræðingar hafa sagt þá skoðun sína að Davíð Oddson eigi að víkja úr Seðlabankanum. Við skulum líta á nokkrar umsagnir þeirra:

Robert Wade, hagfræðiprófessor við London School of Economics, segir bráðnauðsynlegt að skipta um seðlabankastjóra hið fyrsta til að senda þau skilaboð til umheimsins að Íslandi sé alvara með því að ætla að koma sér aftur á réttan kjöl. Í augum þeirra sem standi utan landsteinanna sé Davíð Oddsson sá einstaklingur sem langsamlega mesta ábyrgð beri á ástandinu á Íslandi í dag. Hann hafi hannað kerfið sem nú hafi fallið og hafi strax eftir hrunið "gerst sekur um dómgreindarleysi sem væri hlægilegt ef það væri ekki svo alvarlegt".

Lars Christensen, yfirmaður greiningardeildar Danske Bank, segir það "neyðarlegt" af Davíð Oddssyni að neita að víkja úr stóli seðlabankastjóra. "Auðvitað á ríkisstjórn ekki að skipta sér af málefnum Seðlabankans, en í ljósi þeirra mistaka sem gerð hafa verið, hefði bankastjórnin þegar átt að vera búin að segja af sér," sagði Christensen í samtali við fréttastofuna Bloomberg.

Í sömu frétt segir Thomas Haugaard, hagfræðingur Svenska Handelsbanken "mjög skynsamlegt að hreinsa út úr kerfinu".

"Í ljósi þess sem gerst hefur er ég gáttaður á því að Davíð Oddsson hafi ekki vikið úr starfi fyrir löngu," segir Carsten Valgreen, ráðgjafi og fyrrverandi aðalhagfræðingur Danske Bank. "Hann er greinilega ekki að hugsa um hag þjóðarinnar." Valgreen segir sorglegt að á tímum sem þessum hafi valdamesta fólk landsins misst sig í skaðlegt pólitískt argaþras.

Sjálfstæðismenn hafa varið Davíð Oddson með kjafti og klóm varðandi kröfuna um að hann víki úr stóli Seðlabankastjóra. Sjálfur sér Davíð ekki ástæðu til að víkja. Hann hafi ekkert gert af sér og hann sé vanur að ljúka því sem hann taki að sér. Nú er það spurningin hverju á Davíð Oddson eftir að ljúka? Því verður hann að svara sjálfur.

Björn Bjarnason fyrrverandi dómsmálaráðherra og einkavinur Davíðs sá ástæðu til að biðja utanríkisráðuneytið um skýrslu vegna viðtals forsetans við þýskt tímarit. Jafnframt krafðist Björn Bjarnason að utanríkismálanefnd yrði upplýst hvað ráðuneytið hafi gert til að lægja öldur í Þýskalandi vegna gagnrýni á Ísland í kjölfar viðtalsins. Ummæli Davíðs Oddsonar í kastljósi þar sem hann sagði að íslenska ríkið myndi ekki greiða skuldir „óreiðumanna", eru þegar orðin heimsfræg og álitin hafa skaðað verulega möguleika Íslands til að rétta úr kútnum til langs tíma. Ef Björn Bjarnson er samkvæmur sjálfum sér ætti hann líka að biðja utanríkisráðuneytið um skýrslu vegna ummæla Davíðs og að það upplýsti líka utanríkismálanefnd og almenning hvað hefði verið gert til að lægja öldurnar vegna þeirra.

Björn Bjarnason ræðst á forsetann en ekki Davíð!

Gat það verið!? Já svo sannarlega. Enn eina ferðina stendur Björn Bjarnason fyrrverandi dómsmálaráðherra fyrir aðför að forseta vorum. Nú hefur hann óskað eftir skýrslu frá utanríkisráðuneytinu um áhrif blaðaummæla vegna viðtals Ólafs Ragnars í þýsku útgáfunni af Finacial Times. Einnig vill hann að utanríkismálanefnd verði upplýst hvað ráðuneytið hafi gert til að lægja öldur í Þýskalandi. Vegna gagnrýni á Ísland.
“Púkinn á fjósaloftinu” Björn Bjarnson þarf fóður og vesalings maðurinn virðist kunn fátt annað en skrifa níð og illmælgi um samborgara sína. Hann notar og hvert tækifæri til að ráðast að forsetanum.
En bíðum við. Hvað gerði Björn Bjarnson eftir hið fræga kastljós viðtal við Davíð Oddson, þar sem hann sagði að íslenska ríkið myndi ekki greiða skuldir „óreiðumanna".
Hvað gerði Björn Bjarnson þá!!!???
Krafðist hann utanríkisráðuneytið um skýrslu um þau áhrif sem þessi yfirlýsing hafði? Krafði hann utanríkisráðuneytið um að upplýsa utanríkismálanefnd um hvað hefði verið gert til að lægja öldurnar sem þessi yfirlýsing Davíðs hafði í Evrópu?
Nei aldeilis ekki. Björn Bjarnason kaus að þegja.!!!! Hann þagði sem steinn. Enda skósveinn Davíðs.
Menn sem haga sér eins og Björn Bjarnson eru ekki trúverðugir. Það er ekki sama hvort það er Jón eða séra Jón. Ef menn eru í náðinni þá sleppa þeir. En ef ekki þá skrifar Björn Bjarnason níð. Björn Bjarnason hefur fyrir löngu misst allt traust og trúverðugleika fyrir framgang sinn. Bæði í pólitískum embættisveitingum þar sem hann skipaði m.a. tvo menn Davíðs Oddsonar sem hæstaréttadómara. Annar var frændi Davíðs og var Björn tekinn á beinið af umboðsmanni alþingis fyrir að misnota vald sitt í það skiptið.
Einnig hrakti hann lögreglustjórann á Suðurnesjum úr starfi að ósekju og síðast en ekki síst, fyrir allar þær ljótu greinar og níð sem hann hefur skrifað um samborgara sína.
Það kemur að því að fólk fær nóg. Ég er einn þeirra. Mér finnst að Björn Bjarnason sem mætur maður kallaði “skúrk” ársins eftir áralöng níðskrif - fá smá “dúsu” til baka. Það mætti spyrja hvort maðurinn hefði yfir höfuð nokkuð af því sem kallað er dómgreind, skynsemi eða samvisku.

Nú kennir Björn Bjarnason Jóni Baldvin um bankahrunið!

Það nýjasta hjá Birni Bjarnasyni er að kenna Jóni Baldvin Hannibalssyni um bankahrunið!!!!!! Þvílík þvæla hjá vesalings manninum. Hann veit ekki sitt rjúkandi ráð þessa dagana eftir að vera kominn í stjórnarandstöðu. Björn Bjarnason stendur eins og reittur kjúklingur. Fjaðralaus allslaus. Hann rembist hvað hann getur til skreyta sig fjöðrum með níðskrifum um aðra. Það er það eina sem hann kann. En allt venjulegt fólk hefur löngu séð í geng um Björn Bjarnason “púkann á fjósaloftinu”.
Björn Bjarnason telur ástæðu til að rifja upp árangur Jóns og flokks hans í kosningum. Til að átta sig á tölum getur verið gott að hafa samanburð. Ef Björn telur sig hafa slíka yfirburði eins og hann ritar ætti hann að bera árangur sinn saman við árangur Jóns. En Björn veit að það getur hann ekki. Hann hefur nefnilega fengið háðulega útreið í síðustu alþingiskosningum og borgarstjórnarkosningum. Þá var honum hafnað rækilega. Hann á enga möguleika á endurkomu.
Í mínum huga eru menn eins og Björn Bjarnason sem nærast á níðskrifum um samborgara sína og leggja örðum bæði hugsanir og skoðanir í munn best geymdir á hliðarlínunni. Aftast í goggunarröðinni.
Afrekaskrá Björns Bjarnasonar sem stjórnmálamanns er ekki glæsileg. Hinn almenni borgari ber ekkert traust til hans. Hann er fyrir löngu rúin öllu trausti eftir pólitískar embættisveitingar sem fleyttu honum alla leið inn á borð umboðsmanns alþingis. Hann úrskurðaði að Björn Bjarnason hefði ekki farið að settum reglum þegar hann skipaði frænda Davíðs Oddsonar sem hæstaréttadómara. Ekki var skipan Jóns Steinars Gunnlaugssonar einkavini Davíðs sem dómara í hæstarétt minna umdeild. Ennig má minna á þegar hann hrakti lögreglustjórann á Suðurnesjum úr starfi. Það var ekki stórmannlega gert.
Jón Baldvin Hannibalsson mun eflaust svara fyrir sig. Hann er meira en fullfær um það. Björn Bjarnason kemst ekki með tærnar þar sem Jón Baldvin hefur hælana. Hvort heldur er sem stjórnmálamaður eða bara venjulegur maður.

“Moldvarpa” í stjórnarráðinu á mála hjá Sjálfstæðismönnum

Birgir Ámannsson Sjálfstæðisflokki hóf umræðuna á alþingi í dag um samskipti forsætisráðherra við Alþjóðagjaldeyrissjóðinn. Þar upplýsi Birgir að hann hefði undir höndum tölvupóst frá Alþjóðagjaldeyrissjóðnum til forsætisráðherra sem var trúnaðarskjal.
Við umræðurnar gerðu Sjálfstæðismenn sig að algjörum fíflum enn einn daginn með einskisverðu þjarki og þrasi sem hafði ekkert uppá sig annað enn að upplýsa um tilvist “moldvörpunnar” í Stjórnarráðinu.
Framangreindur Bjarni, Sigurður Kári Kristjánsson og af öllum mönnum Einar K. Guðfinnsson gerðu sig að aulum með þrasi og þrefi sem hafði það eitt að beina kastljósinu að þeim. Alla vega var það sem þeir sögðu ekki málefnalegt.
Það alvarlega er að nú hefur komið á daginn að það er “moldvarpa” í stjórnarráðinu. Geir H. Haarde kvartaði mikið yfir þegar Jóhanna Sigurðardóttir skipti um ráðuneytisstjóra og talaði um aðför og einelti.
En það er samt greinilegt að Jóhanna hefur ekki tekið nægjanlega vel til. Erlendis er þekkt að þegar nýir herrar taka við ráðuneytum þá er allir sem fyrir eru látnir fara!!!! Nýr maður kemur með sitt fólk sem hann getur treyst!!!!!!!
Sjálfstæðismenn eiga nú hauk í horni þar sem “modvarpan” í Stjórnarráðinu er. En vonandi tekur Jóhanna á þessu máli og hreinsar til og upplýsi um leið hver “moldvarpan” er.

Er Davíð Oddsson “deep throat” Agnesar?

“Við í Kaupþingi fengum það fljótlega á tilfinninguna að Davíð Oddsson gætti ekki trúnaðar við viðmælendur sína sem seðlabankastjóri. Í okkar huga var það hætt að vera tilviljun þegar fréttir birtust um bankann í Morgunblaðinu undir pennaheitinu Agnes Bragadóttir í kjölfar „trúnaðarfunda" okkar með seðlabankastjóra,” skrifar Sigurður Einarsson, fyrrverandi stjórnarmaður Kaupþings í grein um Davíð Oddsson í Fréttablaðinu í dag.
Þar með berast böndin nú að Davíð Oddssyni Seðlabankastóra að vera heimildarmaður eða “deep throat” Agnesar Bragadóttur í greinaskrifum hennar um starfsemi Kaupþings í Morgunblaðinu.
Það er ákaflega sérkennilegt að maður sem gegnir slíkri ábyrgðarstöðu og Davíð Oddsson skuli koma sér í stöðu sem þessa. Sérstaklega þar sem hann ber fyrir sig bankaleind ef hann er beðin um að svara einföldum spurningum um Seðlabankann.
En þegar ferill Davíðs er skoðaður kemur þetta ekki á óvart. Ef honum mislíkar við einhvern þá á hinn sami sér ekki viðreisnar von. Það sanna bréfaskriftir og tilskipanir Davíðs um þá sem hann lítur á sem óvini - og hafa fengið að finna fyrir “bláu hendinni”.